Sport

Fólk frá tuttugu löndum keppir í sund­knatt­­leik í Laugar­­dal um helgina

Sindri Sverrisson skrifar
Sundknattleikur er í sókn á Íslandi og fjölmenni verður í Laugardalslaug um helgina þegar þar fer fram alþjóðlegt mót.
Sundknattleikur er í sókn á Íslandi og fjölmenni verður í Laugardalslaug um helgina þegar þar fer fram alþjóðlegt mót.

Fjöldi erlendra keppenda, víða að úr heiminum, verður með á sundknattleiksmóti sem fram fer í Laugardalslaug um helgina. Yfir 200 manns frá tuttugu löndum koma til landsins vegna mótsins sem lýkur á hvítasunnudag.

Mótið hefst síðdegis á morgun og verða alls sautján lið frá tólf félögum með á mótinu. Þar á meðal eru lið frá meginlandi Evrópu, Ástralíu og Norður-Ameríku.

Leikið verður á tveimur völlum í innilaug Laugardalslaugar og er aðgangur að áhorfendapöllum ókeypis fyrir þá sem vilja kynna sér þessa skemmtilegu ólympíuíþrótt, sem Íslendingar tóku þátt í á Ólympíuleikunum í Berlín 1936.

Mótið í Laugardalnum er haldið af sundknattleiksdeild Ármanns, undir stjórn Glenns Moyle, fyrrverandi landsliðsmanns Nýja-Sjálands. Glenn hefur þjálfað Ármann síðustu 12 ár og hefur fjöldi félagsmanna margfaldast á seinni árum og umfang starfsins aukist mjög í samræmi við það.

Keppt verður á mótinu á fimmtudag, laugardag og sunnudag.

Spilað verður á fimmtudaginn milli klukkan 17 og 20. Hlé verður á föstudag en keppt á laugardag og sunnudag á milli klukkan 12 og 18.

Sund

Mest lesið


Fleiri fréttir

Sjá meira


×

Mest lesið