Fótbolti

Valskonur fá bandarískan markvörð í stað Söndru

Hjörtur Leó Guðjónsson skrifar
Kelly Rowswell mun verja mark Valskvenna í sumar.
Kelly Rowswell mun verja mark Valskvenna í sumar. Orlando Pride

Bandaríski markvörðurinn Kelly Rowswell er genginn í raðir Vals frá Orlando Pride. Rowswell er ætlað að leysa Söndru Sigurðardóttur af hólmi sem lagði hanskana á hilluna í síðasta mánuði.

Rowswell var eins og áður segir á mála hjá Orlandi Pride í bandarísku atvinnumannadeildinni. Hún kom ekki við sögu í neinum leik fyrir félagið, en þar var hún liðsfélagi landsliðskonunnar Gunnhildar Yrsu Jónsdóttur sem snéri heim í vetur og mun leika með Stjörnunni í Bestu-deild kvenna.

Valur hefur einnig samið við markvörðinn Birtu Guðlaugsdóttur sem kemur til félagsins frá Stjörnunni. Birta á að baki 26 leiki í efstu deild og mun nú veita hinni bandarísku Rowswell samkeppni um markmannsstöðu Valskvenna.

Besta deild kvenna Valur

Mest lesið


Fleiri fréttir

Sjá meira


×

Mest lesið