Slapp með skrekkinn þegar teygjan slitnaði

Myndband af teygjustökkinu misheppnaða hefur verið í mikilli dreifingu síðustu daga. Það sýnir hvernig teygjan slitnaði mjög neðarlega, þegar krafturinn á hana er sem mestur, og hafði hún hægt nokkuð á manninum.

Maðurinn ræddi við blaðamann CNN og sagði frá atvikinu. Hann sagðist hafa lent á vinstri hliðinni og að hann hafi verið blár og marinn eftir fallið.

„Þetta var eins og einhver hefði lamið mig mjög illa,“ sagði maðurinn sem vildi láta kalla sig Mike.

Mike sagðist vera góður sundmaður og því hefði honum tekist að synda í land, þrátt fyrir að hann var með fæturna bundna. Þá segir hann að hann hefi fengið endurgreitt og að fyrirtækið sem er með teygjustökkið hafi greitt fyrir röntgenmyndir.