Lýsa yfir stríði á hendur blóð­nefs­vefurum

Guardian segir frá því að blóðnefsvefarinn (l. Quelea quelea) hafi sökum þurrkanna herjað á kornekrur og þannig eyðilagt uppskeru fjölda bænda.

Áætlað er að fuglinn sé meðal annars búinn að eyðileggja rúmlega 120 hektara af um hektrara hrísgjónaökrum landsins. Sjá bændur fram á að glata um 60 þúsund tonnum af uppskerunni vegna innrásar fuglsins á akrana.

Staðan hefur nú fengið stjórnvöld í Kenía að bregðast við. Með aðstoð meindýraeitursins fenþíóns er vonast til að hægt verði að fækka blóðnesvefurum um sex milljónum og þannig bjarga hluta uppskerunnar.

Sérfræðingar hafa þó varað við að notkun eitursins kunni að hafa neikvæðar afleiðingar fyrir ýmsa ránfugla og aðrar dýrategundir sem lifa á svæðinu.

Á Vísindavef Háskóla Íslands segir að blóðnefsvefari sé sennilega fjölskipaðasta fuglategund heims. Tegundin lifir í Afíku sunnan Sahara.

„Náttúruleg fæða hans eru grasfræ en þegar fæðuframboð er takmarkað leitar hann á ræktarlönd bænda og gengur þá eins og engisprettufaraldur þar yfir og veldur mikilli eyðileggingu,“ segir á Vísindavefnum um blóðnefsvefarann.