Fótbolti

Birkir Bjarna lagði upp mark í sigri Adana Demirspor

Arnar Geir Halldórsson skrifar
Birkir Bjarnason.
Birkir Bjarnason. Getty Images

Birkir Bjarnason var í byrjunarliði Adana Demirspor þegar liðið fékk Ankaragucu í heimsókn í tyrknesku úrvalsdeildinni í fótbolta í dag.

Eftir markalausan fyrri hálfleik náði Adana Demirspor forystunni snemma í síðari hálfleik þegar Yusuf Sari skoraði eftir sendingu frá Birki á 49.mínútu.

Birki var skipt af velli á 79.mínútu en þá var staðan orðin 3-1 fyrir Adana Demirspor sem reyndust lokatölur leiksins.

Birkir og félagar í fjórða sæti deildarinnar en Galatasaray trónir á toppnum með sjö stiga forystu á næstu lið.

Tyrkneski boltinn

Mest lesið


Fleiri fréttir

Sjá meira


×

Mest lesið