Lífið

Glamúr og glæsileiki í fimmtugsafmæli Kristínar Ólafs

Ása Ninna Pétursdóttir skrifar
Athafnakonan Kristín Ólafs fagnaði stórafmæli sínu með glæsibrag í gær í félagsskap vina og kunningja. 
Athafnakonan Kristín Ólafs fagnaði stórafmæli sínu með glæsibrag í gær í félagsskap vina og kunningja.  Skjáskot Instagram

Það var mikið um dýrðir í fimmtugsafmæli athafnakonunnar Kristínar Ólafsdóttur, eiginkonu Björgólfs Thors Björgólfssonar, um helgina en samkvæmt færslum á samfélagsmiðlum var afmælið hið glæsilegasta og stjörnum prýtt.

Veisluhöldin virðast hafa byrjað seinnipartinn í gær þegar gestir söfnuðust saman í húsi þeirra hjóna í hinu sögufræga Thors húsi við Fríkirkjuveg. Söngkonurnar Selma Björns og Regína Ósk skemmtu þar gestum og greinilegt að gleðin og stemmningin var algjör.

Selma Björns og Regína vöktu greinilega mikla lukka þegar þær tróðu upp í Thorshúsinu. Skjáskot Instagram/

Kristín var stórglæsileg að vanda klædd hvítum síðkjól og var Björgólfur sömuleiðis hvítklæddur í stíl við afmælisbarnið. 

Meðal gesta voru Helga Thors og Björn Ólafs, Hildur Hafstein og Sigurður Ólafs, Gunnar Hansson og Hiroko, Nína Dögg og Gísli Örn, Vera Wonder og Lilja Pálma.

Vinkonurnar Kristín og Lilja Pálma glæsilegar. Skjáskot Instagram/bjarnibreidfjord

Á einhverjum tímapunkti voru gestirnir ferjaðir frá Fríkirkjuvegi yfir á Edition hótelið þar sem gleðin var við völd fram eftir kvöldi. 

Kristín hefur í gegnum árin starfað við kvikmynda- og dagskrárgerð og eru þau hjónin í dag búsett í London. 

Tímamót

Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.