Rúss­neska knatt­spyrnu­sam­bandið á­frýjar á­­kvörðun FIFA og UEFA

Fyrr í kvöld greindi Vísir frá því að alþjóða knattspyrnusambandið FIFA og knattspyrnusamband Evrópu, UEFA, hefðu ákveðið að banna öll lið frá Rússlandi – félagslið sem og landslið – frá keppnum á vegum sambandanna tveggja vegna innrásar Rússa í Úkraínu.

Rússneska knattspyrnusambandið hefur ákveðið að áfrýja ákvörðun FIFA og UEFA til CAS, alþjóða íþróttadómstólsins. 

Frá þessu greinir íþróttablaðamaðurinn Tariq Panja á Twitter-síðu sinni. Vitnar hann í rússneska knattspyrnusambandið:

„Við áskiljum okkur þann rétt að áfrýja ákvörðun FIFA og UEFA í samræmi við alþjóðleg íþróttalög.“

Þó svo að CAS ákveði að ekki sé um lögmæta ákvörðun að ræða hjá FIFA og UEFA er alls óvíst hvort eitthvað lands- eða félagslið vill mæta liðum frá Rússlandi. Það er allavega ljóst að ekkert íslenskt landslið mun spila við Rússland.