Niðurstaðan

• ---

• Nú finn ég mig hér sitjandi,
• um liðna daga hugsandi.
• Blað á borðið setjandi

• og penna úr vasa dragandi.

• Þankana svo skrifandi,
• í Konna Gísla vísandi,
• um fólk í stóla haldandi

• og svörtum bílum akandi.

• Völdum sínum beitandi
• en kerfisræði fylgjandi.
• Flokksfélaga ráðandi

• en á öðrum brjótandi.

• Gjöld og skatta hækkandi.
• Reglur allar flækjandi.
• Báknið sífellt stækkandi.
• Á skriffinnskuna bætandi

• og lýðræði burt gefandi.

• Sjúklinga út sendandi.
• Hjúkrunarheimili sveltandi.
• Skimununum klúðrandi.
• Samtökum út hýsandi.
• Lækningum barna hamlandi

• en eldra fólkið skerðandi.

• Eiturlyfin leyfandi.
• en plastpokana bannandi.
• Hálendinu lokandi.

• Fullveldi frá sér látandi.

• Orku landsins fórnandi.
• Framleiðsluna heftandi.
• Í vitleysuna eyðandi.
• Ofan í skurði mokandi

• og losun Kína aukandi.

• Flugvöll í hraun færandi
• en aðra samt vanrækjandi.
• Borgarlínu leggjandi,
• veggjöld fyrir takandi,
• og umferðina stöðvandi.

• Bíleigendum refsandi.

• Byggðamálum gleymandi.
• Landbúnaðinn kæfandi.
• Gerlamat inn flytjandi.

• Iðnaðinn forsmáandi.

• Hælisleitendum fjölgandi,
• gegn skynseminni farandi
• og glæpahópum hjálpandi

• en nauðstöddum ei sinnandi.

• Ritskoðun á komandi.
• Miðla ríkisvæðandi.
• Á Písakönnun fallandi

• og iðnnemunum hafnandi.

• Í stórum málum sofandi
• en í rétttrúnaði vakandi

• og dellu alla eltandi.

• Sjálfum sér þó hrósandi.
• Á bak við veiru skýlandi.
• Í faraldri sig felandi.
• Þannig var hún starfandi.
• Ríkisstjórn Íslands verandi.

Höfundur er formaður Miðflokksins.