Jóhanna Margrét til Skeljungs

Jóhanna Margrét starfaði sem fréttamaður á fréttastofu Stöðvar 2 áður en hún hélt utan í meistaranám í rekstrarverkfræði við Duke-háskólann í Bandaríkjunum. Hún hafði áður lokið grunngráðu í faginu við Háskólann í Reykjavík.

Árið 2014 tók hún við starfi framkvæmdastjóra sjónvarpssviðs hjá 365, þáverandi eiganda Stöðvar 2. Hún fór með fyrirtækinu til Sýnar sem keypti fjölmiðlahluta 365 árið 2017 og starfaði sem dagskrárstjóri Stöðvar 2 þar til í desember síðastliðnum

Jóhanna hóf störf hjá Skeljungi í mars. Hún er gift Ólafi Sigurgeirssyni og eiga þau tvo syni.