Rafhjólasumarið er að bresta á í TRI VERSLUN

„Það stefnir í gott sumar og undirbúningurinn er hafinn hjá okkur í TRI VERSLUN. Við verðum með mikið úrval reiðhjóla og aukahluta og fyrstu stóru sendingarnar eru komnar í hús. Við mælum með því að fólk verði fyrr á ferðinni varðandi Cube rafhjólin því það er nokkuð ljóst að margir verða úti að hjóla í sumar,“ segir Valur Rafn, markaðsstjóri TRI en TRI VERSLUN býður upp á mikið úrval rafhjóla.

„Við höfum uppfært vefverslunina okkar og þar er hægt að kaupa öll hjólin sem við erum með. Við bjóðum sambærileg verð og tíðkast í nágrannalöndum okkar og höfum unnið hörðum höndum að því að vera leiðandi í sölu á öllu sem tengist reiðhjólum á netinu fyrir íslenskan markað og leggjum mikið upp úr góðri þjónustu.“

Framtíðin í samgöngum

Cube eru þýsk gæðahjól fáanleg í öllum verðflokkum, með eða án rafbúnaðar. Rafhjólin frá Cube hafa slegið í gegn síðustu mánuði og hefur fjölgun rafhjóla á götum og hjólastígum landsins varla farið fram hjá neinum. Valur Rafn segir ekki skrítið að rafhjólin heilli.

„Númer eitt, tvö og þrjú fær fólk hjálp við að hjóla og getur stjórnað því algjörlega hve mikla hjálp það fær. Þannig er hægt að fá mikla hjálp til dæmis þegar hjólað er í vinnuna til að svitna sem minnst. Á rafhjóli getur fólk einnig hjólað miklu lengra og okkar viðskiptavinir tala um það að þeir fari bara lengri hjólatúra og noti hjólið oftar ef það er rafhjól. Framtíðin er spennandi í þessum flokki og við höfum sagt það í nokkur ár að rafhjólin eru framtíðin í samgöngum,“ segir Valur Rafn.