Íslenski boltinn

Sjáðu mörkin úr Vestur­bænum: Óskar Örn með þrennu af mörkum og stoð­sendingum

Runólfur Trausti Þórhallsson skrifar
Óskar Örn skoraði þrjú af mörkum KR í dag. Þá lagði hann upp önnur þrjú.
Óskar Örn skoraði þrjú af mörkum KR í dag. Þá lagði hann upp önnur þrjú. Vísir/Bára

Lengi lifir í gömlum glæðum segir í orðatiltækinu. Óskar Örn Hauksson sannaði það er hann kom að sex mörkum KR í ótrúlegum 8-2 sigri liðsins á Fram í Lengjubikar karla í knattspyrnu.

Hinn 37 ára gamli Óskar Örn skoraði fyrstu tvö mörk leiksins. Bæði með góðum skotum niðri í nær. Hann átti svo frábæra hælsendingu sem rataði á Guðjón Baldvinsson og staðan því 3-0 í hálfleik.

Óskar Örn hóf síðari hálfleikinn eins og hann byrjaði þann fyrri, með því að skora. Pálmi Rafn Pálmason kom KR í 5-0 með marki úr vítaspyrnu. Skömmu síðar lagði Óskar Örn upp annað mark Guðjóns með frábærri sendingu yfir vörn Fram.

Atli Sigurjóns skoraði sjöunda mark KR eftir mistök í uppspili Fram. Gestirnir skoruðu tvö mörk áður en Óskar Örn átti stórkostlega sendingu af hægri vængnum inn á markteig þar sem Oddur Ingi Bjarnason skoraði áttunda mark KR.

Lokatölur í Vesturbænum 8-2 en öll mörkin má sjá hér að neðan.

Klippa: Magnaður Óskar Örn
Fótbolti Íslenski boltinn KR

Tengdar fréttir

Mest lesið


Fleiri fréttir

Sjá meira


×

Mest lesið