Stjörnur úr spænska boltanum, NBA og NFL spreyta sig í eFótbolta í beinni útsendingu á Sportinu

Það verður stjörnufans á Stöð 2 eSport í dag þar sem fótboltamótið Kick COVID FIFA20 fer fram en þar taka þátt nokkrar stjörnur úr íþróttaheiminum.

Spilað verður bæði í dag og á morgun en átta leikmenn úr spænska boltanum munu taka þátt í keppninni ásamt átta leikmönnum úr NBA, NFL, bandaríska landsliðinu í kvennafótbolta osem og Freestyle-liði Bandaríkjanna.

Þekktasta nafnið sem kemur úr spænsku úrvalsdeildinni er líklega Alvaro Morata en hér að neðan má sjá alla þá leikmenn sem munu taka þátt í mótinu fyrir hönd LaLiga. Myndað verða tveggja manna lið; einn frá Spáni og einn frá Bandaríkjunum og liðins pila svo innbyrðis ein/n á móti einum eða einni.

DeAndre Hopkins er á meðal þeirra stjarna sem munu spila fyrir hönd NFL-deildarinnar en mótið verður að sjálfsögðu í beinni ústendingu á Stöð 2 eSport í dag og á morgun. Útsendingin hefst báða daganna klukkan 17 og stendur yfir til klukkan 23.