Sportið í dag: Er þetta flottasti klefi landsins?

Fjölnismenn eru á því að þeir séu með flottustu búningsklefa landsins en meistaraflokkar félagsins í fótbolta eru með ansi myndarlega klefa í Egilshöll.

Meistaraflokkur karla og kvenna Fjölnis æfa í Egilshöllinni allan veturinn og í miðju samkomubanni ákváðu velunnarar félagsins að taka til hendinni.

Sportið í dag fékk boð um að koma við í Egilshöllinni í dag en Kolbeinn Kristinsson, formaður knattspyrnudeildar Fjölnis, tók þar á móti Henry Birgi Gunnarssyni og fór með honum yfir klefann.

Heitur pottur, kaldur pottur, myndarleg sófaaðstaða, risa stórt sjónvarp, innstunga fyrir hvern og einn og svo margt, margt fleira. Þennan ansi myndarlega búningsklefa má sjá hér að neðan.