Vilborg nýr formaður Sjúkratrygginga

Svandís Svavarsdóttir heilbrigðisráðherra hefur skipað Vilborgu Þ. Hauksdóttur formann Sjúkratrygginga Íslands. Vilborg tekur við af Brynhildi S. Björnsdóttur sem hefur gegnt formennskunni frá árinu 2017. Brynhildi eru á heimasíðu heilbrigðisráðuneytsins þökkuð vel unnin störf á undanförnum árum.

Vilborg Hauksdóttir er lögfræðingur að mennt. Hún gegndi um árabil embætti skrifstofustjóra á skrifstofu almannatrygginga í heilbrigðis- og tryggingamálaráðuneytinu og starfaði áður hjá Tryggingastofnun ríkisins. Þá vann hún um skeið hjá norrænu ráðherranefndinni í Kaupmannahöfn.

Hún gegndi starfi skrifstofustjóra í velferðarráðuneytinu, síðar heilbrigðisráðuneytinu á árunum 2018–2019 og var um nokkurra mánaða skeið settur ráðuneytisstjóri í heilbrigðisráðuneytinu.

Stjórn Sjúkratrygginga Íslands er svo skipuð:

Vilborg Þ. Hauksdóttir, lögfræðingur, formaður.

Guðjón Bjarni Hálfdánarson, mannauðsráðgjafi.

Guðmundur Magnússon, rekstrarverkfræðingur

Birna Kr. Svavarsdóttir, hjúkrunarfræðingur.

Varamenn:

Vífill Karlsson, hagfræðingur.

Valgerður Sveinsdóttir, lyfjafræðingur.