Bibercic drakk „svona sex kókflöskur“ á meðan liðsfélagarnir fengu sér einn bjór

Guðmundur Benediktsson, Freyr Alexandresson og Hjörvar Hafliðason fóru yfir víðan völl í Sportinu í kvöld sem var sýnt á Stöð 2 Sport á miðvikudagskvöldið.

Þeir ræddu þeir meðal annars bestu íslenska liðin, hvort að FH gæti barist við toppinn í Pepsi Max-deild karla í sumar og einnig ræddu þeir um bestu erlendu leikmennina sem hafa leikið hér á landi.

Þar voru skiptar skoðanir og margir sem voru nefndir til sögunnar. Einn þeirra sem var nefndur til sögunnar var Mihajlo Bibercic en hann lék með ÍA á árunum 1993 til 1995, KR tímabilið 1996 og svo með Stjörnunni, ÍA og Breiðablik eftir það.

Guðmundur lék með Bibercic á sínum tíma í KR og hann sagði frá skemmtilegri sögu í þættinum á miðvikudagskvöldið þegar leikmenn liðsins gerðu sér glaðan dag eftir sigurleiki.

Söguna má hlusta á í umræðunni hér að neðan.