Þau sóttu um starf for­stjóra Mat­væla­stofnunar

Alls bárust átján umsóknir um starf forstjóra Matvælastofnunar, en umsóknarfrestur rann út þann 4. maí 2020.

Í tilkynningu á vef stjórnarráðsins segir að Kristján Þór Júlíusson, sjávarútvegs- og landbúnaðarráðherra, muni skipa nefnd til að meta hæfni umsækjenda. Mun hún meta hæfni umsækjenda og skila greinargerð til sjávarútvegs- og landbúnaðarráðherra.

Nýr forstjóri mun taka við starfinu af Jóni Gíslasyni sem gegnt hefur starfi forstjóra Matvælastofnunar frá því hún var sett á laggirnar árið 2007.

Umsækjendur eru:

• Björgvin Jóhannesson, markaðs- og fjármálastjóri
• Björn H. Halldórsson, framkvæmdastjóri
• Egill Steingrímsson, yfirdýralæknir
• Elsa Ingjaldsdóttir, gæða- og mannauðsstjóri
• Helga R. Eyjólfsdóttir, forstöðumaður
• Hildur Kristinsdóttir, gæðastjóri
• Hlynur Sigurðsson, framkvæmdastjóri
• Dr. Hrönn Jörundsdóttir, sviðsstjóri
• Dr. Ingunn Björnsdóttir, dósent og námsvistunarstjóri
• Jón Kolbeinn Jónsson, héraðsdýralæknir
• Sigurborg Daðadóttir, yfirdýralæknir
• Sigurður Eyberg Jóhannsson, verkefnisstjóri
• Svavar Halldórsson, sjálfstætt starfandi ráðgjafi og háskólakennari
• Dr. Sveinn Margeirsson, sjálfstætt starfandi ráðgjafi
• Sverrir Sigurjónsson, lögmaður
• Valdimar Björnsson, fjármálastjóri
• Viktor S. Pálsson, sviðsstjóri
• Þorvaldur H. Þórðarson, sviðsstjóri