Sara hrósaði sigri í Dúbaí | Björgvin fjórði

Sara Sigmundsdóttir hrósaði sigri á Dubai CrossFit Championship. Mótinu lauk í dag.

Sara fékk 967 stig, 26 stigum meira en Karin Frey frá Slóvakíu sem varð önnur. Samantha Briggs frá Bretlandi lenti í 3. sæti.

Sara var með góða forystu fyrir síðasta keppnisdaginn og lét hana ekki af hendi. Engu breytti þótt hún endaði í 5. sæti í síðustu greininni.

Sara vann tvær greinar, lenti þrisvar sinnum í 2. sæti og tvisvar sinnum í því þriðja.

Eik Gylfadóttir hafnaði í 13. sæti. Fyrir lokadaginn var hún í því sautjánda og hækkaði sig því um fjögur sæti.

Björgvin Karl Guðmundsson endaði í 4. sæti í karlaflokki. Hann varð í 3. sæti í síðustu greininni og fékk alls 818 stig.

Brent Fikowski frá Kanada varð hlutskarpastur en hann fékk 949 stig. Landi hans, Patrick Vellner, varð annar með 922 stig. Rússin Roman Khrennikov endaði í 3. sæti með 913 stig.

Útsendingu frá lokadegi mótsins má sjá hér fyrir neðan.