Bein útsending: Borgarstjóri kynnir uppbyggingu íbúðarhúsnæðis

Opinn kynningarfundur borgarstjóra um uppbyggingu íbúðarhúsnæðis í Reykjavík verður haldinn í dag klukkan níu í Ráðhúsi Reykjavíkur. Reiknað er með því að fundurinn standi í tvær klukkustundir.

Reykjavíkurborg streymir fundinum og má sjá streymið hér að neðan.

Í tilkynningu frá Reykjavíkurborg segir að dregin verði upp heildstæð mynd af framkvæmdum og framkvæmdaáformum á húsnæðismarkaði í Reykjavík. Áhersla sé lögð á samþykkt verkefni og framkvæmdir sem eru nýlega hafnar, en einnig verður gefin innsýn í verkefni á undirbúningsstigi.

„Alls eru 4.164 íbúðir á framkvæmdastigi víðs vegar um borgina. Þar af eru um 2.500 í byggingu fyrir almennan markað og rúmlega 1.600 á vegum húsnæðisfélaga. Til að setja þetta í samhengi má benda á að í dag eru um 54.000 íbúðir í borginni,“ segir í tilkynningu frá borginni.

Dagskrá:

Uppbygging íbúða í Reykjavík. 

-Dagur B. Eggertsson, borgarstjóri

Ný búsetuform í borgum. 

-Guðrún Björnsdóttir, framkvæmdastjóri Félagsstofnunar stúdenta

Húsnæðisuppbygging í hverfaskipulagi.

-Sigurborg Ósk Haraldsdóttir, formaður skipulags- og samgönguráðs