Í bann fyrir að bera á sér brjóstin á hafnaboltaleik | Myndband

Tvær konur hafa verið settar í bann á leikjum MLB-deildarinnar í hafnabolta en þær beruðu á sér brjóstin í leik fimm í World Series í Washington.

Þær voru með miða á góðum stað og því sást það í sjónvarpi er þær lyftu upp bolnum og beruðu sig. Þær heita Julia Rose og Lauren Summer. Báðar eru vinsælar á Instagram og voru að vekja athygli á sér og síðunni Shagmag TV. Þær sögðust einnig vera að vekja athygli á baráttunni gegn brjóstakrabbameini.

Þær hafa báðar fengið bréf frá MLB-deildinni þar sem þeim er tilkynnt að þær séu í lífstíðarbanni frá öllum völlum deildarinnar. Þriðja stúlkan var með í för en ekki sást í brjóst hennar í sjónvarpinu og því fékk hún ekkert bann.

Þær hafa gefið út myndband um þetta atriði sitt og það má sjá hér að neðan.