„Stelpurnar okkar“ bjóða á opna æfingu á Laugardalsvelli

Íslenska kvennalandsliðið í knattspyrnu býður á opna æfingu hjá liðinu á þriðjudaginn er liðið æfir á Laugardalsvelli.

Liðið er að undirbúa sig fyrir leiki gegn Ungverjalandi og Slóvakíu í undankeppni EM 2021 en báðir leikir fara fram á Laugardalsvelli.

Fyrri leikurinn fer fram á Ungverjalandi næsta fimmtudag og svo síðari leikurinn gegn Slóvakíu þann 2. september. Báðir leikirnir í beinni á Stöð 2 Sport.

KSÍ hefur nú tilkynnt að æfing kvennalandsliðins á þriðjudaginn verði opin öllum og segir að þetta „er kjörið tækifæri fyrir unga iðkendur og aðra áhugasama til að kynna sér hvernig landsliðsæfing fer fram.“

Opin æfing A landsliðs kvenna á Laugardalsvelli þriðjudaginn 27. ágúst kl. 17:00!

Kjörið tækifæri fyrir unga iðkendur og aðra áhugasama að kynna sér hvernig landsliðsæfing fer fram og fylgjast með undirbúningi fyrir undankeppni EM.

Allir velkomnir!#LeiðinTilEnglands#dottirpic.twitter.com/wvc9Qds0dD

— Knattspyrnusambandið (@footballiceland) August 23, 2019

EM 2021 fer fram í Englandi en Ísland tók þátt á síðasta EM sem fór fram í Hollandi. Þar komst liðið ekki upp úr riðlinum.