Demókratar og Repúblikanar komust að samkomulagi

Demókratar og Repúblikanar á Bandaríkjaþingi hafa komist að samkomulagi sem ætlað er að koma í veg fyrir lokun alríkisstofnana næstkomandi föstudag eins og stefndi í á nýjan leik.

Enn sem komið er hafa efnisatriði samningsins ekki verið gefin út en megin ágreiningurinn stóð um það hvort fjármagna ætti múrinn á landamærum Bandaríkjanna og Mexíkó og hversu marga ólöglega innflytjendur stjórnvöld megi hafa í haldi á hverjum tíma en Demókratar vilja lækka þá tölu.

Óvíst er hvort forsetinn skrifi upp á samkomulagið en á blaðamannafundi í El Paso í Texas tók hann ekki afstöðu til samkomulagsins, en sagði að múrinn yrði reistur, hvernig sem færi. Þá sagði hann ekki kom til greina að sleppa glæpamönnum úr haldi.

Heimildir fjölmiðla ytra herma að múrinn, eða girðingar á landamærunum fái fjárveitingu, en mun lægri upphæð en Trump hafði krafist.