Sport

Geit í hverju herbergi þegar Lindsey Vonn kom aftur heim

Óskar Ófeigur Jónsson skrifar
Lindsey Vonn með verðlaunin sín á HM í gegnum tíðina.
Lindsey Vonn með verðlaunin sín á HM í gegnum tíðina. Getty/Christophe Pallot
Kærasti skíðagoðsagnarinnar Lindsey Vonn útbjó fullt af gjöfum fyrir sína konu og tók síðan upp viðbrögð hennar og skellti á samfélagsmiðla.

Hin bandaríska Lindsey Vonn endaði frábæran feril sinn með því að vinna brons á heimsmeistaramóti í síðustu keppni sinni. Kærasti hennar tók á móti henni með sérstökum gjöfum við heimkomuna.

Lindsey Vonn ákvað að leggja keppnisskíðin á hilluna þar sem skrokkurinn gat ekki meira en engin kona hefur unnið fleiri heimsbikarmót eða 82. Bronsið hennar á HM í ár voru hennar áttundu verðlaun á heimsmeistaramóti.





Lindsey Vonn kom heim til Nashville eftir sextán tíma ferðalag frá Åre í Svíþjóð þar sem heimsmeistaramótið fór fram.

Kærasti hennar er P.K. Subban, íshokkíleikmaður Nashville Predators, var búin að undirbúa heimkomuna með sérstökum gjöfum.

Lindsey Vonn fékk þannig bæði köku í formi geitar og þá beið hennar einnig dúkkugeit í svefnherberginu. Allt til að leggja áherslu að hún væri geitin í alpagreinum eða „GOAT - Greatest of all time“.

Hér fyrir neðan má sjá myndbandið af heimkomu Lindsey Vonn. Lindsey Vonn hún setti þetta myndband líka inn hjá sér og sagði P.K. Subban vera besta kærasta í heimi.







Aðrar íþróttir

Mest lesið


Fleiri fréttir

Sjá meira


×

Mest lesið