Talið að Bandaríkjamenn muni kalla þúsundir hermanna frá Afganistan

Talið er að Bandaríkjamenn ætli að kalla þúsundir hermanna heim frá Afganistan á næstunni.

Þetta herma heimildir Reuters fréttastofunnar sem segir að líklega verði um sjö þúsund hermenn kallaðir heim, sem er um helmingur þess herliðs Bandaríkjanna sem enn er í Afganistan.

Þessar fregnir koma beint í kjölfar yfirlýsingar Trumps forseta um að kalla herliðið í Sýrlandi til baka og þessi ákvörðun hefur vafalítið einnig átt þátt í því að Jim Mattis varnarmálaráðherra sagði af sér í gær, eins og áður kom fram.

Eins og með ákvörðun forsetans varðandi Sýrland hefur þessi ákvörðun einnig verið harðlega gagnrýnd, ekki síst af samflokksmönnum í Demókrataflokknum.