Faðir Arnórs: Hélt sýningu fyrir alla fjölskylduna

„Magnað kvöld og þvílíkur leikur hjá drengnum. Hélt sýningu fyrir alla fjölskylduna, 16 manns, er að rifna úr stolti.“

Þetta skrifar Sigurður Sigursteinsson, fyrrum knattspyrnumaður og faðir Arnórs Sigurðssonar, sem leikur með CSKA Moskvu en Arnór gleymir seint tólfta desember 2018.

Hann var í byrjunarliði CSKA sem vann 3-0 sigur á Real Madrid á útivelli í kvöld, á heimavelli Evrópumeistaranna, en Arnór átti frábæran leik.

Hann lagði upp fyrsta mark CSKA og skoraði svo sjálfur þriðja mark leiksins en faðirinn var eðlilega ánægður í leikslok.

Margir úr fjölskyldu Arnórs voru á vellinum í kvöld, þar á meðal foreldrar hans, kærasta og amma og afi. Alls voru átján úr fjölskyldunni á vellinum í kvöld og hann sýndi heldur betur sínar bestu hliðar fyrir þau sem lögðu leið sína til Spánar.

View this post on Instagram

Magnað kvöld og þvílíkur leikur hjá drengnum. Hélt sýningu fyrir alla fjölskylduna, 16 manns, er að rifna úr stolti

A post shared by Sigurður Sigursteinsson (@siggisigursteins) on Dec 12, 2018 at 12:30pm PST