Rauðsokkar í góðum málum

Boston Red Sox er komið í 2-0 gegn LA Dodgers í baráttu liðanna í úrslitaeinvígi MLB-deildarinnar, World Series.

Boston vann annan leik liðanna 4-2 í nótt. Hinir rándýru David Price og JD Martinez voru stjörnur Red Sox í nótt og sáu til þess að heimamenn unnu leikinn.

Nú færa liðin sig yfir á vesturströndina þar sem næstu þrír leikir rimmunnar fara fram.

Going to Cali with a 2-0 lead. #WorldSeriespic.twitter.com/ms2SlyXqHD

— MLB (@MLB) October 25, 2018

Samkvæmt tölfræðinni eru 80,8 prósent líkur á því að Boston verði meistari. Það er ansi drjúgt að komast í 2-0.

Ef spila þarf leiki sex og sjö þá munu þeir fara fram í Boston.