Ríflega 80 prósent íþróttaáhugamanna hafa áhuga á kvennaíþróttum

Risastór ný könnun framkvæmd af Nielsen Sports komst að þeirri niðurstöðu að 84 prósent íþróttaáhugamanna, þar sem ríflega helmingurinn eru karlmenn, hafa áhuga á kvennaíþróttum. BBC greinir frá.

Könnunin var framkvæmd í Bandaríkjunum, Bretlandi, Frakklandi, Þýskalandi, Ítalíu, Spáni, Ástralíu og á Nýja-Sjálandi en í henni kom í ljós að 51 prósent karlmanna í þessum löndum hafa áhuga á kvennaíþróttum.

Í heildina hafa 64 prósent allra þeirra karlmanna og kvenmanna sem spurðir voru í könnuninni í löndunum átta áhuga á að minnsta kosti einni kvennaíþrótt. Eitt þúsund einstaklingar voru spurðir í hverju landi fyrir sig.

Einnig kom fram að áhuginn var meiri á þeim íþróttum þar sem keppt er á meiri jafnréttisgrundvelli eins og í frjálsíþróttum og tennis. Minni áhugi var á íþróttum þar sem skiptingin er augljósari á milli karla og kvenna eins og í golfi, krikket og fótbolta.

Næstum 50 prósent þeirra kvenna sem spurður var segir kvennaíþróttir samkeppnishæfar en 44 prósent karlmanna. Fjörutíu og eitt prósent kvenna finnast kvennaíþróttir hvetjandi en 31 prósent karlmanna.