Margverðlaunaður sundmaður keppir nú á EM í frjálsum

Íþróttasamband fatlaðra hélt í gær blaðamannafund í höfuðstöðvum Toyota er kynnt var hvaða íþróttamenn myndu fara á EM í ár.

Þetta sumarið telur hópurinn tólf keppendur; sex í sundi og sex í frjálsum íþrótta. Í sundi verður keppt í Dublin 13.-19. ágúst en í frjálsunum verður það í Berlín frá 20.-26. ágúst.

Þaulreyndir keppendur eins og Helgi Sveinsson eru á sínum stað en Helgi er á leiðinni á sitt fjórða EM og nínuda stórmót. Helgi er spjótkastari.

Það sem vekur mesta athygli að Jón Margeir Sverrisson keppir nú í frjálsum íþróttum. Jón Margeir er margverðlaunaður sundmaður en hann keppir nú á sínu fyrsta stórmóti í frjálsum.

Frjálsíþróttaferill hans hefur byrjað af miklum krafti því fyrr á árinu varð hann þrefaldur Íslandsmeistaramóti fatlaðra innanhúss sem haldið var í Laugardal. Hann er fyrsti sem keppir á stórmóti í sundi og frjálsum síðan Geir Sverrisson gerði það.

Hér að neðan má sjá alla keppendur Íslands sem keppa á EM og hópmynd af þeim hér að ofan.

Sund:

Róbert Ísak Jónsson

Guðfinnur Karlsson

Hjörtur Már Ingvarsson

Már Gunnarsson

Sonja Sigurðardóttir

Thelma Björg Björnsdóttir

Frjálsar:

Helgi Sveinsson

Patrekur Andrés Axelsson

Jón Margeir Sverrisson

Hulda Sigurjónsdóttir

Stefanía Daney Guðmundsdóttir

Bergrún Ósk Aðalsteinsdóttir