Fyrrum hafnaboltastjarna tekin með 20 kíló af kókaíni eða heróíni

Einn besti hafnaboltamaður sem Mexíkó hefur framleitt, Esteban Loaiza, er á leiðinni í steininn og mun þurfa að dúsa þar lengi.

Hann var handtekinn síðasta föstudag með hvorki meira né minna en 20 kíló af fíkniefnum. Um er að ræða annað hvort kókaín eða heróín. Verðmæti efnanna er sagt vera í kringum 50 milljónir króna.

Loaiza spilaði í 14 ár í MLB-deildinni í Bandaríkjunum. Hann endaði ferilinn hjá Chicago White Sox fyrir tíu árum síðan.

Á ferlinum vann hann sér inn 4,4 milljarða króna í laun en það virðist ekki hafa dugað til þess að framfleyta honum.