Stundaði oft kynlíf í miðjum leik

Fyrrum hafnaboltakappinn Darryl Strawberry er afar skrautlegur karakter og nú hefur komið í ljós að hann var enn skrautlegri en menn héldu er hann var upp á sitt besta í boltanum.

Starwberry var meðal bestu hafnaboltamanna heims á sínum tíma og það þrátt fyrir að vera á kafi í eiturlyfjaneyslu. Hann varð meistari fjórum sinnum og átta sinnum var hann valinn í stjörnulið MLB-deildarinnar. Er ferlinum lauk þá glímdi Strawberry við mikið þunglyndi.

Nú er Strawberry búinn að gefa út bókina „Don´t give up on me“ þar sem hann greinir ítarlega frá þeim fíknum sem hann hefur þurft að glíma við. Ein þeirra er kynlífsfíkn.

Kynlífsfíknin var svo sterk hjá Strawberry að hann átti það til í að stunda kynlíf í miðjum leik.

„Á milli lotna átti ég það til að hlaupa á bak við þar sem ég var með lítið partí í gangi fyrir sjálfan mig. Svo skokkaði ég aftur út á völlinn. Svona var kynlífsfíknin sterk,“ sagði Strawberry en margir félaga hans vissu af þessu.

„Sumir þeirra lugu fyrir mig og hjálpuðu mér að halda þessu gangandi. Þetta var frekar svalt,“ sagði kappinn og glotti.

Þetta er ekki í fyrsta skipti sem þessi goðsögn talar um kvennamálin. Hann greindi frá því fyrir tveim árum síðan að það hefði verið ótrúlega auðvelt að finna konur í leikjum til þess að stunda kynlíf með. Hann hefði bara bent á konu upp í stúku, starfsmaður hefði svo náð í hana og allt endaði eins og hann vildi.

Strawberry er orðinn 55 ára gamall. Hann lék í MLB-deildinni frá 1983 til 1999. Síðustu fjögur árin með NY Yankees.