Fyrsta tap Bjarka Þórs

Bjarki Þór Pálsson tapaði léttvigtartitlinum til Stephen O'Keefe í aðal bardaga FightStar Championship 13 bardagakvöldsins í nótt. 

Tæknilegt rothögg í fyrstu lotu réði úrslitum í bardaganum, en O'Keefe byrjaði sterkt með þungum höggum og náði að minnsta kosti eitt þeirra í gegnum varnir Bjarka. 

Írinn náði Bjarka í gólfið og lét höggin dynja á honum þar til dómarinn stöðvaði leikinn eftir rúma mínútu og dæmdi O'Keefe sigurinn og tók sá írski léttvigtarmeistaratitilinn.

Þetta var fyrsti ósigur Bjarka í atvinnumannabardaga.