Freydís í öðru sæti í Bandaríkjunum

Freydís Halla Einarsdóttir, landsliðskona í alpagreinum, byrjaði undirbúninginn fyrir Vetrarólympíuleikana í Suður-Kóreu af krafti.

Freydís tók þátt í sínum fyrstu mótum í vetur þegar hún keppti í Sunday River í Bandaríkjunum um helgina á alþjóðlegu FIS móti.

Í gær varð Freydís í 5. sæti í svigi en gerði enn betur í gær þegar hún náði öðru sætinu. Fyrir mótin tvö fékk hún 75,12 FIS stig.

Freydís keppir jafnt og þétt næstu vikur og stefnir á þáttöku á Vetrarólympíuleikunum í Suður-Kóreu í febrúar.