Þekkja krumma og örn, lóu og páfagauk

Hvað heitið þið fullum nöfnum og hversu gamlar eruð þið?

Valentína: Ég er 7 ára og heiti Valentína Mirra Passaro

Stefanía: Ég heiti Jerly Estefania Catano Catano en er kölluð Stefanía eða Steffý og er 7 ára.

Í hvaða skóla eruð þið og hvað finnst ykkur mest gaman að gera þar?

Valentína: Ég er í Háteigsskóla og stærðfræði er skemmtilegust.

Stefanía: Ég er líka í Háteigsskóla og mér finnst líka stærðfræði skemmtilegust.

Hvernig leikið þið ykkur helst?

Valentína: Við leikum okkur fallega.

Stefanía: Við leikum okkur mest á stönginni sem hægt er að snúa sér í hringi á. Hún er á leikvellinum.

Hvað finnst ykkur mest gaman að gera þegar þið eruð ekki í skóla?

Valentína: Mér finnst mest gaman í playmo.

Stefanía: Mér finnst skemmtilegast að vera úti að hjóla.

Eru einhver dýr í uppáhaldi hjá ykkur?

Valentína: Já, kettlingar!

Stefanía: Hundar í mestu uppáhaldi hjá mér.

Þekkið þið einhverja fugla?

Valentína: Já, dúfu, kráku, lóu, páfagauk og krumma.

Stefanía: Ég þekki krumma og örn.

Hvað langar ykkur að verða þegar þið verðið stórar?

Valentína: Mig langar að verða fimleikakennari, búðarkona og hjúkrunarkona.

Stefanía: Ég vil vera danskennari og fimleikakennari.