Sló út reynsluboltann

Sloane Stephens er komin í úrslitaleik Opna bandaríska meistaramótsins í tennis eftir að hafa slegið Venus Williams úr leik.

Stephens, sem er 24 ára, komst þar með í sinn fyrsta úrslitaleik á stórmóti en hún hafði áður komist í undanúrslit á opna ástralska árið 2013.

Hún mætir Madison Keys, öðrum Bandaríkjamanni sem er einnig að fara í sinn fyrsta úrslitaleik á stórmóti. Hin 22 ára Keys hafði betur gegn Coco Vandeweghe í sinni undanúrslitaviðureign, 6-1 og 6-2.

Stephens er í 83. sæti heimslistans en er nýlega byrjuð að spila aftur vegna meiðsla. Viðureignin í nótt var kaflaskipt, Stephens vann fyrsta setttið 6-1 en Venus svaraði með því að vinna það næsta 6-0.

Oddasettið var spennandi en svo fór að Stephens vann eftir upphækkun, 7-5.

Stephens féll alla leið niður í 957. heimslistans á meðan hún var fjarverandi í ellefu mánuði vegna meiðsla í fæti.

Úrslitaleikurinn fer fram á morgun.