Bandaríska alríkislögreglan neitar að veita eftirlitsnefnd gögn

Bandaríska alríkislögreglan hefur neitað að gefa eftirlitsnefnd Bandaríkjaþings gögn er varða samskipti á milli fyrrverandi stjórnanda Alríkislögreglunnar, James Comey, og forseta Bandaríkjanna, Donalds Trumps.

Reuters greinir frá því að alríkislögreglan hyggist þurfa meiri tíma til að meta beiðnina frá eftirlitsnefndinni. Nefndin á að hafa gefið lögreglunni tímamörk til að meta beiðnina og voru síðustu forvöð á miðvikudag þar sem sérstakur saksóknari hefur verið skipaður til að fara með rannsókn á meintum áhrifum Rússa á niðurstöður forsetakosninganna í nóvember og munu gögnin skipta máli í þeirri rannsókn.

Formaður nefndarinnar, Jason Chaffetz, segir að öll gögn skipti máli í þessari rannsókn og hefur sent frá sér tilkynningu þess efnis að gögnin þurfi að berast eigi síðar en 8.júní næstkomandi.