Rosalegt rothögg hjá Tumenov | Myndband

Fyrrum andstæðingur Gunnars Nelson í UFC, Albert Tumenov, er kominn í nýtt bardagasamband og byrjaði þar með látum.

Tumenov er að keppa hjá ACB-bardagasambandinu og hans fyrsti bardagi var gegn Ismael de Jesus.

Tumenov fékk flugstart hjá sambandinu því hann gerði sér lítið fyrir og rotaði Jesus í fyrstu lotu. Það gerði hann líka með stæl.

Eftir tvö töp í röð ákvað Tumenov að yfirgefa UFC enda sagðist hann fá betur greitt hjá ACB.

Myndband af rothögginu má sjá hér að neðan.