HK komið yfir

HK tók forystuna í einvíginu við Stjörnuna um Íslandsmeistaratitil karla í blaki með 3-1 sigri í fyrsta leik liðanna í Ásgarði í kvöld.

HK vann fyrstu hrinuna 25-21 og þá næstu 29-27. Stjarnan svaraði fyrir sig með því að vinna þriðju hrinuna 25-20 en HK kláraði dæmið með því að vinna fjórðu hrinuna örugglega, 25-17.

Theodór Óskar Þorvaldsson var með 20 stig í liði HK og Andreas Hilmar Halldórsson gerði 18 stig. Michael Pelletier gerði 21 stig í liði Stjörnunnar.

Næsti leikur liðanna fer fram í Fagralundi á fimmtudaginn.