Pabbi Gylfa Sig Reykjavíkurmeistari í pílu | Myndband

Sigurður Aðalsteinsson er nýkrýndur Reykjavíkurmeistari í einmenningi karla í pílukasti.

Sigurður er kannski þekktastur fyrir að vera faðir Gylfa Þórs Sigurðssonar, atvinnu- og landsliðsmanns í fótbolta og Íþróttamanns ársins 2016.

Þetta er í þriðja sinn sem Sigurður verður Reykjavíkurmeistari í einmenningi. Sigurður fékk einnig verðlaun fyrir fæstar pílur (13).

Hér að neðan má sjá myndband af því þegar Sigurður tryggði sér sigurinn í kvöld. Fagnarlætin voru heldur ekki af verri endanum eins og sjá má.

Gylfi verður svo á ferðinni í hádeginu á morgun þegar Swansea City tekur á móti Middlesbrough í mikilvægum leik í fallbaráttu ensku úrvalsdeildarinnar.

SIGGI ALLA að tryggja sigurinn. Reykjavíkurmeistari 2017 pic.twitter.com/c76XKrwCid

— Guðni Þ. Guðjónsson (@TheDuke180) April 1, 2017