Ragnarök vann Roller Derby-mótið

Bresku liðin Team Unicorn og Suffolk Roller Derby börðust hart á móti íslenska liðinu Ragnarökum og hvoru öðru á roller derby mótinu Þríhöfða sem fór fram í Hertz-höllinni í gær.

Mótið var það fyrsta sinnar tegundar hér á landi og bar Ragnarök sigur úr býtum eftir harða baráttu gegn liðunum tveimur.

Suffolk Roller Derby lentu í öðru sæti eftir að hafa unnið Team Unicorn með einungis 15 stiga mun en leikurinn fór 221-206 fyrir Suffolk.

Ragnarök unnu Team Unicorn 176-145 og möluðu Suffolk með 92 stiga mun, 218-126.

Myndskeið af leikjum Ragnaraka má sjá hér:

Ragnarök – Suffol Roller Derby

Ragnarök – Team Unicorn