Aldís og Davíð unnu tvenndarleikinn

Aldís Rún Lárusdóttir og Davíð Jónsson sigruðu í tvenndarleik á fyrri degi Íslandsmótsins í borðtennis en mótið fer fram í KR-heimilinu nú um helgina.

Þetta var eini flokkkurinn þar sem leikið var til úrslita í gær en undanúrslit og úrslit í öðrum flokkum fara fram í dag.

Aldís og Davíð unnu sigruðu Kolfinnu Bergþóru Bjarnadóttur, HK, og Daða Frey Guðmundsson, Víkingi, 3-1 (8-11, 11-7, 11-9, 11-9) í úrslitum.

Aldís og Davíð sigruðu í tvenndarleik fyrir tveimur árum en Kolfinna vann titilinn í fyrra með Bjarna Þ. Bjarnasyni. Guðrún G. Björnsdóttir og Skúli Gunnarsson, KR, og Auður Tinna Aðalbjarnardóttir og Kári Mímisson, KR, höfnuðu í 3.-4. sæti.

Keppni hófst klukkan 11:30 í dag, 5. mars, með undanúrslitum í 2. flokki og síðan tekur hver flokkurinn við af öðrum þar til úrslit í meistaraflokki karla og kvenna hefjast klukkan 15:20.

Verðlaunaafhending í öllum flokkum er áætluð klukkan 16:00.