Þessi fimm keppa fyrir Ísland á HM í norrænum greinum

Skíðasamband Íslands hefur valið íslensku keppendurnar á heimsmeistaramótinu í norrænum greinum sem fer fram í Lahti í Finnlandi frá 22.febrúar til 5. mars.

Allir íslensku keppendurnir eru valdir til þátttöku í skíðagöngu en einnig er keppt í skíðastökki og norrænni tvíkeppni. Einungis hefur einn keppandi náð lágmörkum fyrir lengri vegalengdir en það er Snorri Einarsson.

Aðrir keppendur sem valdir eru þurfa að fara í undankeppnina þann 22.febrúar ef enginn nær lágmörkum áður en HM hefst. Hópurinn mun dvelja í HM þorpinu frá 20.febrúar til 2.mars.

Elsa Guðrún Jónsdóttir er eina konan í hópnum en hinir fjórir í keppendahópnum og öll farastjórnin eru karlar.

Keppnisplan:

22. febrúar - Undankeppni fyrir lengri vegalengdir

23. febrúar - Sprettganga

25. febrúar - Skiptiganga

26. febrúar - Liðasprettur

28. febrúar - 10 km ganga með hefðbundinni aðferð kvenna

1. mars - 15 km ganga með hefðbundinni aðferð karla

Íslensku Keppendurnir á HM 2017:

Elsa Guðrún Jónsdóttir

Albert Jónsson

Brynjar Leó Kristinsson

Snorri Einarsson

Sævar Birgisson

Fararstjórn:

Jón Viðar Þorvaldsson - Fararstjóri

Jostein H. Vinjerui - Landsliðsþjálfari

Baldur Helgi Ingvarsson - Aðstoðarmaður/læknir

Vegard Karlstrøm - Smurningsmaður

Karl Gunnar Skjøenfjell - Smurningsmaður