Sunna Rannveig valin nýliði ársins af aðdáendum

Sunna Rannveig Davíðsdóttir var í kvöld valin nýliði ársins af aðdáendum hjá Invicta Fighting Championships bardagasambandinu í Bandaríkjum.

Sunna greindi frá þessu á Twitter-síðu sinni í kvöld en tíst Sunnu má sjá hér fyrir neðan.

Sunna er með samning hjá Invicta en hún kepptist við fimm aðra bardagakappa um titilinn nýliði ársins.

Sunna gerðist atvinnumaður í MMA á árinu, fyrst íslenskra kvenna er hún skrifaði undir langtímasamning við Invicta.

Keppti hún í sínum fyrsta atvinnumannabardaga í lok september og voru úrslitin aldrei í hættu gegn Ashley Greenway.

Thank you friends, supporters, teammates and family. Without you none of this would be happening❤️@InvictaFights #InvictaFC #MjolnirMMA #MMA pic.twitter.com/VEcVoRtA1C

— Sunna Davidsdottir (@sunnatsunami) December 31, 2016