Geggjuð auglýsing með Rondu

Það er farið að styttast í UFC 207 sem fer fram þann 30. desember. Þá snýr Ronda Rousey aftur í búrið eftir þrettán mánaða fjarveru.

Það hefur farið lítið fyrir Rondu síðasta árið en UFC er byrjað að auglýsa risabardaga hennar gegn Amöndu Nunes.

Fyrsta stóra auglýsingin fyrir bardagann er komin út. Þar er Ronda að hlusta á spjall um sjálfa sig í sjónvarpinu. Hún nennir ekki að hlusta á vangavelturnar, slekkur á sjónvarpinu og fer að æfa.

Ronda segir ekkert í auglýsingunni enda er engin þörf á því.

Auglýsinguna má sjá hér að ofan.