David Attenborough um Donald Trump: „Við gætum skotið hann“

Svo virðist sem half heimsbyggðin hafi viðrað skoðun sína á forsetaframbjóðanda Repúblikana, Donald Trump. Sjónvarpsmaðurinn dáði David Attenborough hefur nú bæst í hópinn.

Attenborugh var í viðtali við Radio Times spurður hvernig hægt væri að leysa vandamál líkt og Trump. Svar hans var einfalt: „Við gætum skotið hann.“ 

Hann benti á að breskur almenningur geti ekki með nokkru móti haft áhrif á úrslit forsetakosninganna í Bandaríkjunum og þyrfti að sætta sig við hvað Bandaríkjamenn velja.

„Við gætum skotið hann, það er ekki slæm hugmynd,“ sagði hann þá og hló.

Attenborough fór yfir víðan völl í viðtalinu, sem var til að kynna þáttaröðina Planet Earth 2 sem kemur út um helgina og beðið er eftir með mikilli eftirvæntingu.