Djokovic er meiddur

Besti tenniskappi heims, Serbinn Novak Djokovic, verður frá um ótilgreindan tíma vegna meiðsla.

Djokovic tapaði í úrslitaleik US Open þann 12. september og hefur ekki enn jafnað sig af meiðslum sem hann varð fyrir á mótinu.

Hann hefur dregið sig úr China Open í næstu viku en það er eitt af hans uppáhaldsmótum. Serbinn hefur unnið það mót sex sinnum. Næsta mót sem hann er svo skráður á er 10. október.

„Það eru gríðarleg vonbrigði að geta ekki tekið þátt í China Open. Ég er enn að glíma við olnbogameiðsli og mun halda endurhæfingu áfram en snúa aftur um leið og ég get,“ sagði Djokovic.