Borgarstjóri Philadelphia kallaði Trump „fávita“

Michael Nutter, borgarstjóri Philadelphia, kallaði auðjöfurinn Donald Trump „fávita“ (e. asshole) á fundi borgarstjórans með leiðtogum trúarsafnaða í borginni á þriðjudag.

Trump sækist nú eftir að verða frambjóðandi Repúblikanaflokksins í forsetakosningunum sem fram fara á næsta ári.

Trump hefur verið harðlega gagnrýndur fyrir orð sín um að vilja banna öllum múslimum tímabundið að koma til Bandaríkjanna.

Fjölmargir, jafnt Demókratar og Repúblikanar, hafa stigið fram síðustu daga og fordæmt orð Trump.

Sjá má myndband af ummælum Nutter í spilaranum að neðan.