Fótbolti

Hollendingar í stuði gegn Lettum | Sjáðu glæsimark Robben

Anton Ingi Leifsson skrifar
Arjen Robben á fullri ferð í Amsterdam í kvöld.
Arjen Robben á fullri ferð í Amsterdam í kvöld. vísir/getty
Holland átti ekki í miklum vandræðum með Letta á Amsterdam Arena í kvöld. Arjen Robben var í stuði.

Robin van Persie kom Hollandi yfir eftir sex mínútna leik eftir fyrirgjöf frá Arjen Robben. Robben skoraði svo næsta mark með frábæru skoti.

Klaas Jan Huntelaar skoraði svo þriðja mark Hollendinga rétt fyrir hlé og þannig var staðan í hálfleik.

Næst var röðin komin að varnarmanninum Jeffrey Bruma sem skoraði fjórða mark Hollendinga og Arjen Robben bætti við fimmta marki þeirra appelsínugulu átta mínútu fyrir leikslok.

Hollendingar voru ekki hættir. Klaas Jan Huntelaar skoraði svo sjötta mark Hollendinga mínútu fyrir leikslok.

Hollendingar eru komnir því í þriðja sæti riðilsins, með sex stig, þremur stigum frá Íslandi og Tékklandi sem eiga leik til góða í kvöld eins og flestir vita.

Robin van Persie kemur Hollandi yfir: Arjen Robben bætir við marki með stórkostlegu skoti: Huntelaar kemur Hollandi í 3-0 fyrir hálfleik: Jeffrey Bruma skorar fjórða mark Hollendinga: Arjen Robben skorar annað mark sitt og fimmta mark Hollands:
EM 2016 í Frakklandi

Mest lesið


Fleiri fréttir

Sjá meira


×

Mest lesið