Nadal-baninn úr leik á Wimbledon-mótinu - Raonic í undanúrslit

Ástralinn Nick Kyrgios náði ekki að fylgja eftir sigrinum á Rafael Nadal, efsta manni heimslistans, því þessi 19 ára strákur tapað í kvöld fyrir Kanadamanninum Milos Raonic í átta manna úrslitum á Wimbledon-mótinu í tennis.

Milos Raonic tryggði sér leik á móti Roger Federer í undanúrslitum með því að vinna Nick Kyrgios 6-7 (4-7) 6-2 6-4 7-6 (7-4). Kyrgios vann reyndar fyrsta settið en Raonic svaraði með því að vinna þrjú sett í röð.

Nick Kyrgios vann sér inn marga aðdáendur með frábærri frammistöðu sinni á mótinu og margir sjá þar efni í næstu stórstjörnu tennisheimsins. Hann átti hinsvegar ekki svar við krafti Milos Raonic í kvöld.

Milos Raonic er því kominn í undanúrslit á sínu fyrsta risamóti en hann 23 ára gamall og hafði lengst náð í 2. umferð fyrir mótið í ár.