Mikilvægt útivallarmark Diego Costa tryggði sigurinn | Myndband

Atletico Madrid er með 1-0 forystu í rimmu liðsins gegn AC Milan í 16-liða úrslitum Meistaradeildar Evrópu. Diego Costa skoraði eina markið fyrir Spánverjana með laglegum skalla seint í leiknum.

AC Milan byrjaði þó betur í leiknum og fékk betri færi. Kaka og Andrea Poli komust báðir í góð færi en Thibaut Couirtois, markvörður Atletico, varði vel frá þeim.

Raul Garcia komst svo nálægt því að skora fyrir Atletico áður en að Costa tryggði Spánverjunum sigur með dýrmætu útivallarmarki.

Síðari leikur liðanna fer fram í Madríd.