Serena Williams sló met er hún fór áfram á Opna ástralska

Bandaríkjakonan  Serena Williams fór áfram í fjórðu umferð á Opna ástralska meistaramótinu er hún lagði Daniela Hantuchova.

Williams vann leikinn í tveimur settum 6-3 og 6-3 og vann í leiðinni sinn 61. sigur á Opna ástralska sem er nýtt met.

Gamla metið hafi staðið í 39 ár en Williams tók þátt á sínu fyrsta Opna ástralska móti árið 1998, aðeins 16 ára gömul.

Gríðarlegur hiti var í Melbourne í morgun og fór hitinn yfir 40 gráður á meðan leiknum stóð. Aðstæður hafa verið erfiðar á mótinu sökum hita.