Evra verður líklega með gegn Galatasaray

Varnarmaðurinn Patrice Evra hjá Man. Utd er byrjaður að æfa með félaginu á nýjan leik eftir meiðsli og gæti spilað gegn Galatasaray í Meistaradeildinni á morgun.

Evra missti af leiknum gegn Wigan um helgina en hann meiddist í landsleikjahléinu eins og fleiri leikmenn félagsins.

Þeir Robin van Persie og Shinji Kagawa komu einnig meiddir úr landsleikjahléinu en voru með á æfingunni í morgun. Darren Fletcher var einnig með.

United á leik á heimavelli á morgun en þetta verður fyrsti leikur liðsins í H-riðli Meistaradeildarinnar.